अलजजिराकी एक महिला पत्रकार इजरायलमा मारिइन्

२८ वैशाख, एजेन्सी । अलजजिराकी एक महिला पत्रकारको इजरायलमा गोली हानी हत्या भएको छ ।

अलजजिराकी पत्रकार शिरिनको आज बिहान इजरायली सेना द्वारा गोली हानी हत्या भएको समाचार संस्था एपीमा छापिएको छ ।

बुधबार बिहान वेस्ट ब्यांकमा इजरायली सेनाले छापा मार्ने क्रममा सोही विषयमा समाचार कभर गर्न लागेकी उनलाई गोली लागेको हो ।

अलजजिराले प्यालेस्टाइनको उद्धृत गर्दै जेनिन सहर नजिकै अक्लेहको टाउकोमा गोली हानिएको समाचारमा उल्लेख गरेको छ । उनीसँग रिपोर्टिङ गरिरहेका अर्का एक स्थानीय पत्रकार घाइते भएका छन् ।

घाइते पत्रकारको उपचार भइरहेको छ । एजेन्सी