चीनको चिङ्हाई प्रान्तमा बाढीका कारण १७ जनाको मृत्यु

३ भदौँ, एजेन्सी । चीनको चिङ्हाई प्रान्तमा आएको बाढीमा परेर १७ जनाको मृत्यु भएको छ ।

चिङ्हाई प्रान्तमा बिहीबार साँझ आएको बाढीमा परेर १७ जनाको मृत्यु भएको छ भने थप १७ जना बेपत्ता भएका छन् ।

अधिकारीहरुले दिएको जानकारी अनुसार बुधबार गएराति १०:३० बजदेखि भएको अविरल वर्षाको कारण आएको बाढीमा बेपत्ता भएका उनीहरु भेटिने सम्भावना कम रहेको उद्धारकर्मीहरुले जनाएका छन् ।

बाढीमा धनजनको क्षति भएको जनाइएको छ । यस्तै, बाढीका कारण घरमा क्षति भएपछि १ हजार २ सय भन्दा बढी मानिस विस्थापित भएका छन् । एजेन्सी