अमरिकामा एक सय गाडी एक आपसमा ठोक्किदा ६ जनाको मृत्यु

३० माघ, रौतहट । अमेरिकाको टेक्सासमा भएको सडक दुर्घटनामा परि कम्तिमा ६ जनाको मृत्यु भएको छ। टेक्सासको अन्तरराज्य सडकमा बिहीबार बिहान करीव एक सय गाडी एक आपसमा ठोक्किएको अमेरिकी संचारमाध्यमले जनाएका छन्।

दुर्घटनामा कम्तिमा ६ जनाको मृत्यु पुष्टी भइसकेको र कैयौं मानिस घाइते भएको बताइएको छ। न्युयोर्क टाइम्सका अनुसार दर्जनौं मानिस सवारीभित्रै थुनिएको अवस्थामा उद्धार गरिएको हो। हिँउ परेर बाटो चिप्लो भएको सडकमा गाडीहरु ठोक्किएको बताइएको छ ।

फोर्ट वर्थ फायर डिपार्टमेन्टका अनुसार दुर्घटनामा १८ चक्के गाडी कार धेरै छन्। दुर्घटनामा कम्तिमा ३६ जना गम्भीर घाइतेको अस्पताल उपचार जारी छ। ६५ जना भने सामान्य उपचारपछि डिस्चार्ज भएका छन्।