पूर्वप्रधानमन्त्री डा. बाबुराम भट्टराई र उनकी पत्नीलाई कोरोना संक्रमण पुष्टि

८ कार्तिक, रौतहट । जनता समाजवादी पार्टीका संघीय परिषद्का अध्यक्ष तथा पूर्वप्रधानमन्त्री डा बाबुराम भट्टराईलाई कोरोना संक्रमण पुष्टि भएको छ ।

यस्तै, उनकी पत्नी हिसिला यमीलाई पनि कोरोना भाइरस (कोभिड १९)का संक्रमण पुष्टि भएको हो ।

डा बाबुरामले सामाजिक सञ्जाल ट्वीटरमार्फट आफूहरुमा कोरोना संक्रमण पुष्टि भएको जनाएका छन् । हिसिला र म दुबैलाई (कोभिड १९) को संक्रमण पुष्टि भएको छ । कातिक ७ गते गरिएको स्वाब परीक्षणको गर्दा कोरोना रिपोर्ट पोजेटिभ आएको छ ।

उनले भनेका छन् ।

चिकित्सकको सल्लाहअनुसार आफूहरु होम आइसोलेसनमा रहेको बाबुरामले उल्लेख गरेका छन्। उनले भनेका छन्, ‘चिकित्सकहरूको सल्लाह बमोजिम हामी होम आइसोलेसनमा नै रहनेछौं। केही समय यता हाम्रो सम्पर्कमा रहनुभएका महानुभावहरू सबैले सतर्कता अपनाउनुहुन विशेष आग्रह छ।’