उत्तर सिक्किमको भिडन्तमा परि केही सैनिक घाइते

१२ माघ, रौतहट । चीन र भारतका सैनिकबीच फेरि तनाब बढेर विवादित सीमामा सङ्घर्ष भएको छ । सङ्घर्षमा परि दुवैतर्फका केही सैनिक घाइते भएको भारतीय सञ्चारमाध्यमहरूले बताएका छन्।

सो सङ्घर्ष उत्तरी सिक्किममा तीन दिनअघि नै भएको बताइएको छ। अर्को सीमाक्षेत्रमा भएको भिडन्तपछि दुई देशबीच तनाव रहिआएको छ।

गत वर्ष जुनमा लद्दाख क्षेत्रमा भएको भिडन्तमा कम्तीमा २० भारतीय सैनिकको मृत्यु भएको थियो। चीनतर्फ पनि क्षति भएको विवरण आए पनि चिनियाँ अधिकारीले केही बोलेका थिएनन्।

तीन दिनअघिको घटना भने नकु ला पासमा भएको बताइएको छ। भारत र चीनबीच संसारकै सबैभन्दा लामो विवादित सीमा रहेको छ।