‘भूत पुलिस’मा ज्याकलिन र यमी

१९ भदौ, रौतहट ।
बलिउड मेकरहरु विस्तारै चलचित्रको छायांकनमा फर्किन थालेका छन् । एकपछि अर्को चलचित्रको निर्माणको घोषणा भैरहेको छ । भारतमा दैनिक ८० हजार कोरोना संक्रमित देखिएका छन्, तर बलिउड मेकर नयाँ चलचित्रको घोषणा गर्न आतुर देखिदैछन् ।

रमेश तैरानी र अक्साई पुरीको निर्माणमा तयार हुन लागेको चलचित्र ‘भूत पुलिस’का लागि केही दिन अगाडि मात्र नायकद्धय अर्जुन कपुर र सैफअली खानलाई फाइनल गरिएको थियो ।

हरर कमेडी चलचित्रका लागि अब नायिका पनि फाइनल गरिएको छ । यो चलचित्रका लागि नायिकाद्धय ज्याकलिन फर्नान्डेज र यमी गौतमलाई फाइनल गरिएको भारतीय मिडियाले बताएका छन् ।

चलचित्रका निर्माताका अनुसार, करिब ८० प्रतिशत छायांकन मुम्बई भन्दा बाहिर सक्ने योजना बनाइएको छ । बाँकी २० प्रतिशत छायांकन मुम्बइमा सेट लगाएर गरिनेछ ।