नेपालका लागि नवनियुक्त भारतीय राजदूत काठमाण्डौं पुगे

१२ असार, रौतहट । भारतीय राजदूत नवीन श्रीवास्तव नेपाल आएका छन् ।

नेपालका लागि नियुक्त भएका श्रीवास्तव आफ्नो जिम्मेवारी सम्हाल्न आज नेपाल पुगेका स्रोतले जनाएको छ ।

स्रोतका अनुसार नेपालका लागि राजदुत नियुक्त हुनुभन्दा अघि नवीन श्रीवास्तव नयाँ दिल्ली, चीन, जापान, कोरिया र मङ्गोलिया मामिला हेर्ने पूर्वी एसिया डिभिजनको प्रमुखको रुपमा कार्यरत थिए ।

उनले पूर्वी लद्दाख सीमा विवादबारे चीनसँग विभिन्न चरणमा कूटनीतिक वार्ता गर्न भारतीय वार्ता टोलीको नेतृत्व पनि गरेका हुन् ।

यस्तै, वनियुक्त राजदूत श्रीवास्तवले सन् २०१५ देखि २०१७ सम्म कम्बोडियाका लागि भारतीय राजदूतका रुपमा काम गरेका छन् ।