सोमबार भारतीय प्रधानमनत्री मोदीको नेपाल आउँदै

२९ वैशाख, रौतहट । जेठ २ गते (सोमबार) भारतका प्रधानमन्त्री नरेन्द्र मोदीले नेपाल आउन लागेका हुन् ।

भारतीय प्रधानमन्त्री मोदी लुम्बिनीको औपचारिक भ्रमण गर्ने घोषणा बिहीवार गरिएको छ । प्रधानमन्त्री शेरबहादुर देउवाको निमन्त्रणमा मोदीले बुद्धपूर्णिमाको अवसरमा लुम्बिनी भ्रमण गर्न लागेको परराष्ट्र मन्त्रालयले जानकारी दिएको स्रोतले जनाएको छ ।

देउवा र मोदी मायादेवी मन्दिरमा हुने पूजाअर्चनामा सहभागी हुनेछन् । उनीहरूले लुम्बिनीमा बौद्ध संस्कृति तथा सम्पदाको केन्द्रका रूपमा बन्न लागेको भवनको संयुक्त शिलान्यास पनि गर्नेछन् ।

त्यसपछि दुवैले लुम्बिनी अन्तर्राष्ट्रिय बौद्ध ध्यान केन्द्र तथा सभाहलमा आयोजित बुद्ध जयन्ती समारोहमा सम्बोधन पनि गर्नेछन् ।