प्रशिक्षण उडानको क्रममा विमान दुर्घटनाग्रस्त हुँदा दुई जना भारतीय वायु सेनाको मृत्यु

१३ साउन, एजेन्सी । भारतको राजस्थानमा प्रशिक्षण उडानको क्रममा सेनाको विमान दुर्घटनाग्रस्त हुँदा दुई जना विमान चालकको मृत्यु भएको छ । प्रशिक्षण उडानमा रहेको विमान राजस्थानको राजधानी जयपुरबाट करिब ५३२ किलोमिटर पश्चिममा रहेको बारमेर जिल्लामा दुर्घटनाग्रस्त हुँदा भारतीय वायुसेना (आईएएफ) का दुई विमान चालकको मृत्यु भएको भारतीय सञ्चालमाध्यमले जनाएको छ । मिग २१ जेट उडानको क्रममा दुर्घटना भएको भारतीय अधिकारीहरूले जानकारी दिएका छन् ।