एसपीपी अघि नबढाउने पत्र अमेरिकालाई पठाइसकेको परराष्ट्रमन्त्रीको दावी

१३ साउन, रौतहट । एसपीपी अघि नबढाउने पत्र साउन ९ गते (सोमबार) नै अमेरिकालाई पठाइसकेको परराष्ट्रमन्त्री डा. नारायण खड्काले बताएका छन् । अमेरिकाको ‘स्टेट पार्टनरसीप प्रोग्राम’लाई अघि नबढाउने पत्र पठाइसकेको शुक्रबार प्रतिनिधिसभाको बैठकमा विशेष समय लिएर मन्त्री खड्काले बताए । नेपालले एसपीपी अघि नबढाउने निर्णयसहितको लिखित जानकारी अमेरिकी सरकारलाई गराइसकेको समेत मन्त्री खड्काले जनाएका छन् ।