धारिलो हतियार प्रहार गरी हत्या गरेको आरोपमा तीन जना प्रक्राउ

१६ कात्तिक, रौतहट । टोखा एक युवको हत्या गरेको आरोपमा प्रहरीले तीन जनालाई पक्राउ गरेको छ ।

बिहीबार बिहान करिब १० बजेको समयमा धापासीमा रहेको देवी मन्दिर नजिक गोरखाको अजिरकोट गाउँपालिका–५ घर भई टोखा बस्ने २४ वर्षीय आशिष मगरमाथि धारिलो हतियार प्रहार भएको थियो ।

पक्राउ पर्नेहरुमा संखुवासभा घर भई टोखा–५ धापासी बस्ने १९ वर्षीय दार्जे शेर्पा, टोखा–५ का २६ वर्षीइ डेडे भनिने राम श्रेष्ठ र स्याङ्जाको गल्याङ–३ का २७ वर्षीय रवि थापामगर छन् ।

हतियार प्रहारबाट घाइते भएका मगरको उपचारको क्रममा चिरायु अस्पतालमा मृत्यु भएको थियो । उक्त घटनाको अनुसन्धानमा खटिएको महानगरीय प्रहरी वृत्त महाराजगञ्जको प्रहरी टोलीले हत्यामा संलग्न भएको आरोपमा तीन जनालाई पक्राउ गरेको हो ।

पक्राउ परेकाहरु विरुद्ध कर्तव्य ज्यानको कसुरमा म्याद थप गरी अनुसन्धान सुरु गरिएको प्रहरीले जानकारी दिएको छ ।