रिपब्लिक टिभीका चार पत्रकारबिरुद्ध एफआईआर दर्ता

८ कात्तिक, रौतहट । रिपब्लिक टिभी न्यूज च्यानलका चार पत्रकारविरुद्ध एफआईआर दर्ता गरिएको छ । मुम्बई प्रहरीले कथितरुपमा प्रहरीको बदनाम गरेको मामिलामा च्यानलका चार पत्रकारविरुद्ध एफआईआर दर्ता गरिएको हो ।

यस मामिलामा प्रतिक्रिया दिँदै रिपब्लिक टिभीले यसलाई ‘मिडियाको अधिकारमाथि हमला’ बताउँदै ‘मजबुत रणनीति’ साथ लड्ने बताएको छ ।

यसअघि टेलिभिजन रेटिङ प्वान्ट (टीआरपी) सँग कथित छेडछाड गरेको मामिलामा पनि रिपब्लिक टिभीको नाम आएको थियो । गत ८ अक्टोबरमा मुम्बई प्रहरीका कमिश्नर परमवीर सिंहले पत्रकार सम्मेलनमा मुम्बईका केही न्यूज च्यानलले दर्शकलाई पैसा दिएर च्यानलको टीआरपी बढाइरहेको आरोप लगाएका थिए ।

यस मामिलामा रिपब्लिक टिभीसहित महाराष्ट्रका दुई साना च्यानलको नाम आएको थियो । यसमा चार जनालाई पक्राउ पनि गरिएको थियो ।

एजेन्सी