टेम्पो दुर्घटना हुदाँ एक जनाको मृत्यु, चार जना घाइते

६ कार्तिक, रौतहट । साँखुमा टेम्पो दुर्घटनामा परी एक जनाको मृत्यु भएको छ, भने चार जना घाइते भएका छन् ।

शङ्खरापुर नगरपालिकाको साँखुमा टेम्पो दुर्घटनामा परी काभ्रेको मण्डनदेउपुर नगरपालिका निवासी प्रह्लाद बस्ताकोटीको घटनास्थलमै मृत्यु भएको महानगरीय प्रहरी प्रभाग साँखुका प्रहरी निरीक्षक जानुका खरेलले जानकारी दिइन् ।

१३५७ अस्थायी नम्बरको नयाँ टेम्पो साँखु–कात्तिके सडकखण्डको लम्बुडाँडा मोडबाट २०–२५ मिटर तल खसेको थियो । दुर्घटनामा चार जना घाइते भएका छन् । घाइते सबैको अवस्था सामान्य रहेको खरेलले बताए । उनीहरुको साँखुस्थित पिपुल्स लाइफ केयर अस्पतालमा उपचार भइरहेको प्रहरीले जानाएको छ ।

अन्य घाइतेहरुमा मण्डन देउपुर सोही स्थानका रमेश बस्ताकोटी, उनकी छोरी सृष्टि, नमराज बस्ताकोटी र उनकी श्रीमती रहेको मण्डन देउपुरका १ नम्बरका वडा अध्यक्ष लक्ष्मण बस्ताकोटीले जानकारी दिए ।