सुनको मूल्य स्थिर, चाँदीको भाउ बढ्यो

४ कार्तिक, रौतहट । मंगलबार नेपाली बजारमा सुनको मूल्य स्थिर रहेको छ, भने चाँदीको मूल्यमा सामान्य वृद्धि भएको हो ।

नेपाल सुनचाँदी व्यवसायी महासंघका अनुसार पछिल्लो ३ दिनयता सुनको मूल्य प्रतितोला ९४ हजार ७ सय रुपैयाँमा स्थिर भइ कारोबार भइरहेको छ ।

त्यसैगरी, छापावाल सुनको मूल्य तोलामा ९४ हजार २ सय रुपैयाँमा नै कारोबार भइरहेको महासंघले जनाएको छ ।

तर, मंगलबार बजारमा चाँदीको मूल्यमा रु १० रुपैयाँले बढेर १ हजार २ सय १० रुपैयाँमा कारोबार भएको महासंघले जनाएको छ ।