सिरहाबाट ८ जुवाडे पक्राउ

२० असोज, रौतहट । सिरहाबाट प्रहरीले ८ जनालाई जुवा खेलिरहेको अवस्थामा पक्राउ गरेको छ ।

सिरहाको मिर्चैया नगरपालिका ६ कटारी चौकस्थित होलिडे होटलमा जुवा खेलिरहेको अवस्थामा उनीहरुलाई पक्राउ गरिएको हो ।

गोप्य सूचनाको आधारका इलाका प्रहरी कार्यालय मिर्चैयाबाट खटिएको अनुसन्धान टोलीले ८ जुवाडेलाई पक्राउ गरेको जिल्ला प्रहरी कार्यालय सिरहाले जानकारी दिए ।

तास खेल्ने क्रममा मिर्चैया नगरपालिका ८ का २१ वर्षीय सियाराम महत्तो, २२ वर्षीय राजाराम साह, २४ वर्षीय सरोजकुमार चौधरी, २५ वर्षीय जितेन्द्र साह, ३५ वर्षीय दिलिप नायक, र गोलबजार नगरपालिका–१ बस्ने ३२ वर्षीय नातिकाजी राई, उदयपुर कटारीका २५ वर्षीय बिशाल सुनार ३४ वर्षीय दानबहादुर राई रहेका छन् ।

जुवाखेलिरहेको अवस्थामा उनीहरुको साथबाट १ लाख ६ हजार २९५ रुपैयाँ र ३ बुक तासको गड्डी समेत प्रहरीले बरामद गरिएको छ ।