ट्याक्सी दुर्घटना हुदाँ ताप्लेजुङमा तीनजना घाइते

१९ असोज, रौतहट । ताप्लेजुङमा ट्याक्सी दुर्घटनामा परी तीन जना घाइते भएका छन् ।

सोमबार झापाबाट ताप्लेजुङतर्फ आइरहेको मे १ ज २५७८ नम्बरको ट्याक्सी दुर्घटना हुदाँ त्यसमा सवार तीनजना घाइते भएको हो । घाइते हुनेमा फुङलिङ नगरपालिका–३ का ३७ वर्षीय सोमनाथ दहाल, सोही ठाउँकै ३८ वर्षीय राजेन्द्र दहाल र अर्जुनधारा झापाका ४० वर्षीय असोक कार्की रहेका छन् ।

ट्याक्सी मेची राजमार्गअन्र्तगत काबेली फुङलिङ सडक खण्डमा पर्ने खोक्सेखोला नजिकै सडकबाट झरेर दुर्घटनामा परेको थियो । ट्याक्सी करिब २ सय मीटर तल झरेको जिल्ला प्रहरी कार्यालय ताप्लेजुङका प्रमुख महेन्द्र श्रेष्ठले बताए ।

घाइतेमध्ये असोक कार्कीको अवस्था भने गम्भीर रहेको प्रहरीले जनाएको छ । बाँकी दुईको अवस्था भने सामान्य छ ।

घाइते सबैको उपचारका लागि जिल्ला अस्पताल ताप्लेजुङमा ल्याइएको ताप्लेजुङ प्रहरी प्रमुख तथा प्रहरी नायव उपरीक्षक महेन्द्र श्रेष्ठले बताए ।