सुनचाँदीको मूल्यमा सामान्य गिरावट

१५ असोज, रौतटह । नेपाली बजारमा बिहीबार सुनको भाउमा सामान्य गिरावट भएको छ ।

नेपाल सुनचाँदी व्यवसायी महासंघका अनुसार बुधबार प्रतितोला ९४ हजार ७ सय रुपैयाँमा कारोबार भएको छापावाल सुनको मूल्य आज घटेर प्रतितोला ९४ हजार ५ सय रुपैयाँमा कारोबार भएको हो ।

त्यस्तै, तेजावी सुन प्रतितोला ९४ हजार रुपैयाँमा कारोबार भएको छ ।

त्यसैगरी, बुधबार तोलामा १ हजार १ सय ९० रुपैयाँमा कारोबार भएको चाँदीको मूल्य आज घटेर १ हजार १ सय ७५ रुपैयाँमा कारोबार भएको महासंघले जनाएको छ ।