बझाङमा डोजर सडकबाट करिब ५० मिटर तल खस्दाँ एकजनाको मृत्यु, ३ जना घाइते

५ असोज, रौतहट । डोजर दुर्घटना हुदा बझाङमा एक जनाको मृत्यु भएको छ । डोजर दुर्घटनामा एक जनाको मृत्यु भएको छ, भने ३ जना घाइते भएको हो ।

बुङ्गल नगरपालिका १ तल्लोदहमा लु.१ क १२७८ नम्बरको डोजर आइतबार राति सडकबाट करिब ५० मिटर तल खस्दाँ दुर्घटनामा परी बुङ्गल नगरपालिका १ भिरगडा बस्ने २८ वर्षीय मानबहादुर बोहराको मृत्यु भएको प्रहरीले जनाएको छ ।

दहबगरस्थित सडकमा फसेको ग.३ च १५६१ नम्बरको जिप निकालेर ऐसेलुबगर जाने क्रममा सडकबाट खस्दाँ वडा ९ देउलीकोट बस्ने २४ वर्षीय महेश खडायत लगाएत ३ जना घाइते भएका प्रहरीले बताए ।

घाइतेलाई उपचारको लागि धनगढीतर्फ पठाइएको प्रहरीले जनाएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।