आज थप ४० जनामा कोरोना पुष्टि

२० असार, रौतहट । नेपालमा पछिल्लो २४ घण्टामा थप ४० जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा १ हजार ८ सय ४७ जनाको पीसीआर परीक्षण गर्दा जम्मा ३४ जनाको कोरोना रिपोर्ट पोजेटिभ आएको छ ।

यस्तै, बितेको २४ घण्टामा १ हजार १ सय ६३ जनाको एन्टीजेन विधिबाट परीक्षण गर्दा ६ जनामा एन्टिजेन संक्रमण देखिएको छ । यो अवधिमा थप १९ जना कोरोना संक्रमणमुक्त भएको छ ।

त्यसैगरी, कोरोना भाइरस (कोभिड १९) को संक्रमणका कारण पछिल्लो २४ घण्टामा कसैको पनि मृत्यु नभएको स्वास्थ्य मन्त्रालयले जनाएको छ ।
हाल देशभर ३४८ जना सक्रिय संक्रमित रहेका छन् ।