करणी आरोपमा मकवानपुरबाट एक जना पक्राउ

६ असार, मकवानपुर । करणी आरोपमा मकवानपुरको मनहरीबस्ने एक जनालाई प्रहरीले हिरासतमा लिएको छ ।

२७ वर्षीया महिलामाथि जबरजस्ती करणी गरेको अभियोगमा मनहरी गाउँपालिका वडा नम्बर ६ नयाँबस्तीका २६ वर्षीय कान्छामान रुम्बालाई पक्राउ गरिएको प्रहरीले जनाएको छ ।

ब्रम्हदेबी सामुदायिक जंगलको कुलोमा लगि महिलामाथि करणी गरेको भन्दैँ पीडितका आफन्तले उनीविरुद्ध दिएको उजुरीको आधारमा निजलाई नियन्त्रणमा लिएको प्रहरीले जनाएको छ ।

आइतबार साँझ पक्राउ परेका उनीमाथि यसबारे अनुसन्धान भइरहेको प्रहरीले जनाएको छ ।