थप १३ जनामा कोरोना पुष्टि

२२ जेठ, रौतहट । नेपालमा पछिल्लो २४ घण्टामा थप १३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा १ हजार ५ सय ७९ जनाको पीसीआर परीक्षण गर्दा जम्मा ९ जनाको कोरोना रिपोर्ट पोजेटिभ आएको छ ।

यस्तै, यो अवधिमा १ हजार ५५ जनाको एन्टिजेन विधिबाट परीक्षण गर्दा जम्मा ४ जनामा एन्टिजेन संक्रमण देखिएको छ ।

त्यसैगरी, बितेको २४ घण्टामा थप ९ जना कोरोनामुक्त भएका छन् । यससहित हालसम्म नेपालमा संक्रमणमुक्त हुनेहरुको कुल संख्या ९ लाख ६७ हजार १ सय ३७ पुगेको छ ।

पछिल्लो २४ घण्टामा कोरोना भाइरस (कोभिड १९)को संक्रमणका कारण कसैको पनि मृत्यु नभएको स्वास्थ्य तथा जनसंख्या मन्त्रालयले जनाएको छ ।

हाल नेपालमा १ सय १० सक्रिय संक्रमित रहेका छन् ।