बलरा नगरपालिकाका नवनिर्वाचित जनप्रतिनिधिहरुले गरे शपथ ग्रहण

११ जेठ, सर्लाही । सर्लाहीको बलरा नगरपालिकाका जनप्रतिनिधिहरुले सपथ ग्रहण गरेका छन् ।

देशमा भएको स्थानिय तहको निर्वाचनमा विजयी भएका जनप्रतिनिधिहरुले आज शपथ लिएका छन् । नवनिर्वाचित नगरप्रमुख रामाशंकर कुशवाहाले उपप्रमुख कोशिला देवी दास लगायत वडा अध्यक्षहरुलाई शपथ खुवाएका छन् ।

बलरा नगरपालिकाको सभा हलमा आयोजित शपथ समारोहमा नगरप्रमुख, उपप्रमुख, १० नम्बर वडाका अध्यक्ष दिनेश कुशवाहा, ३ नम्बर वडाका अध्यक्ष आनन्द मिश्र लगायत अन्य जनप्रतिनिधिहरु सहभागि भएका थिए ।

नेकपा माओवादी केन्द्रबाट नगरप्रमुखमा उम्मदेवारी दिएका रामाशंकर कुशवाहा र माओवादीकै उपप्रमुख समेत विजयी भएका छन् ।