जितपुरसिमरामा गुडिरहेको कारमा आगलागी

१० जेठ, बारा । बाराको जितपुरसिमरामा गुढिरहेको गाडीमा आगलागी भएको प्रहरीले जनाएको छ ।

पूर्वपश्चिम लोकमार्ग अन्तर्गत जितपुरसिमरा उपमहानगरपालिका १६ सडकखण्डको बंगरी पुल नजिकै गुडिरहेको कारमा अचानक आगलागी भएको प्रहरीले जनाएको छ ।

लालबन्दीबाट हेटौंडा जाँदै गरेको प्र२-०२-००१ च.०१६५ नम्बरको कारमा आज बिहान ५:३० बजे अचानक आगलागी भएको हो । आगलागीबाट कार जलेर पूर्ण रुपमा नष्ट भएपनि मानवीय क्षति नभएको प्रहरीले जनाएको छ ।

५:३० मा भएको आगलागी दमकल, प्रहरी र स्थानीयको सहयोगले ६ बजेतिर नियन्त्रणमा लिइएको थियो । कारको वायर सर्ट भएर आगलागी भएको प्रहरीले जनाएको छ ।