लागूऔषधसहित कैलालीबाट ४ जना पक्राउ

८ जेठ, कैलाली । कैलालीको टीकापुरबाट लागूऔषधसहित ४ जनालाई सशस्त्र प्रहरीले पक्राउ गरेको छ ।

जिल्लाको टीकापुर नगरपालिका ८ खक्रौला नाकाबाट उनीहरूलाई शनिबार पक्राउ गरिएको सशस्त्र प्रहरी बल नेपाल नं. ३४ गण हेडक्वाटर कैलालीले जनाएको छ ।

पक्राउ पर्नेमा टीकापुर नगरपालिका–७ बस्ने ३२ वर्षीय चित्रराज जैसी, २२ वर्षीय कृष्ण हमाल, २३ वर्षीय आकाश सुनार र ३५ वर्षका मदन विक रहेका छन् ।

उनीहरूको साथबाट स्पास्मो प्रोक्सी प्लस क्याप्सुल २० पिस बरामद भएको हो । सवारी चेकजाँच गर्ने क्रममा दुई वटा मोटरसाइकलमा सवार उनीहरुलाई नियन्त्रणमा लिएको थियो ।

पक्राउ परेका उनीहरुमाथि यसबारे अनुसन्धान भइरहेको जिल्ला प्रहरी कार्यालय कैलालीले जनाएको छ ।