छुट्टटाछुटै स्थानमा सवारी दुर्घटना हुँदा दुई जनाको मृत्यु

३ जेठ, रौतहट । छुट्टटाछुटै स्थानमा भएको सवारी दुर्घटनामा परेर दुई जनाको मृत्यु भएको छ । चितवन र धनुषामा मोटरसाइकल दुर्घटना हुँदा दुई जनाको मृत्यु भएको हो ।

चितवनको भरतपुर महानगरपालिका ५ नयनचोकमा दुई वटा मोटरसाइकल ठोक्किदाँ मकवानपुरको हेटौँडा उपमहानगरपालिकाका २० वर्षीय विशेष दाहालको मृत्यु भएको प्रहरीले जनाएको छ ।

चितवनको भरतपुर महानगरपालिका५ नयनचोकमा हिजो बेलुकी मोटरसाइकलको ठक्करबाट स्कुटर चालकको मृत्यु भएको छ । मृत्यु हुनेमा मकवानपुरको हेटौडा उपमहानगरपालिका९१९ का २० वर्षीय बिशेष दाहाल रहेका छन् ।

बिशालचोकबाट जानकीचोकतर्फ जाँदै गरेको ना ६३ प ९३०३ नम्बरको मोटरसाइकलले सोमबार राति ९ बजेतिसोही विपरित दिशाबाट आउँदै गरेको ना ३८ प ७८७६ नम्बरको स्कुटरलाई ठक्कर दिएको थियो ।

मोटरसाइकलको ठक्करबाट गम्भीर घाइते भएका उनलाई उपचारको लागि भरतपुरस्थित कलेज अफ मेडिकल साइन्स अस्पतालमा ल्याएपनि उपचारकै क्रममा मृत्यु भएको थियो ।

यस्तै, धनुषाको जनकपुर उपमहानगरपालिका २३ लादोबेलामा हिजो बेलुका मोटरसाइकलको ठक्कर स्थानीय ४० वर्षीया शिलादेवी दासको मृत्यु भएको छ । बाटोमा हिडिरहेकी उनलाई जिरोमाईलबाट महोत्तरीतर्फ जाँदै गरेको नम्बर नखुलेको मोटरसाइकललेसोमबार बेलुकी ७:३० बजेतिर ठक्कर दिएको थियो ।

जनकपुर स्थित प्रादेशिक अस्पतालमा उपचारकै क्रममा ती महिलाको मृत्यु भएको प्रहरीले जनाएको छ ।दुर्घटना पश्चात् फरार भएका आरोपीहरुको खोजी भइरहेको छ ।