गाँजासहित सर्लाहीबाट युवक पक्राउ

२९ वैशाख, सर्लाही । १४ किलो गाँजासहित सर्लाहीबाट एक युवक पक्राउ परेका छन् ।

पक्राउ पर्नेमा मलंगवा नगरपालिका ८ का १९ बर्षीय रुस्तम कुमार यादव रहेको प्रहरीले जनाएको छ ।

प्लाष्टिको पोकामा बेरिएको समान टाउकोमा बोकि हिडिरहेको अवस्थामा शंकास्पद अवस्थामा निजलाई रोकी चेकजाँच गर्दा १३ किलो ९ सय ग्राम गाँजा बरामद भएको सर्लाहीका प्रहरी प्रहवक्ता नायव उपरीक्षक माधव प्रसाद बूढाथोकीले जानकारी दिए ।

पक्राउ परेका उनीमाथि यसबारे अनुसन्धान भइरहेको जिल्ला प्रहरी कार्यालय सर्लाहीले जनाएको छ ।