क्रिकेटर सन्दीपलाई ७ दिन हिरासतमा राख्न अदालतको आदेश

   २५ आश्विन २०७९, मंगलवार १२:०८  

२५ असोज, रौतहट । नेपाली राष्ट्रिय क्रिकेटर सन्दीप लामिछानेलाई ७ दिन हिरासतमा राख्न अदालतले अनुमति दिएको छ ।

१७ वर्षीया किशोरीलाई करणी गरेको आरोपमा पक्राउ परेका सन्दीपलाई १० दिन हिरासतमा राख्न अनुमति प्रहरीले मागेपनि ७ दिन हिरासतमा राखी अनुसन्धान गर्न अदालतले अनुमति दिएको छ ।

कतारको दोहा हुँदै गत असोज २० गते सन्दीप नेपाल फर्केपछि काठमाडौँस्थित त्रिभुवन अन्तर्राष्ट्रिय विमानस्थलबाटै प्रहरीले उनलाई नियन्त्रणमा लिएको थियो ।