काठमाडौँबाट एयर गनसहित युवक पक्राउ

   २८ कार्तिक २०७८, आईतवार १३:२३  

२८ कात्तिक, रौतहट । एयर गनसहित काठमाडौँको थापाथलीबाट एक जनलाई प्रहरीले पक्राउ गरेको छ ।

कैलाली घर भई काठमाडौँ महानगरपालिका ११ थापाथली डेरा गरी बस्ने २१ वर्षीय जितेन्द्र नाथलाई हिरासतमा लिएको प्रहरीले जनाएको छ ।

कोठामा अवैध हातहतियार लुकाई राखेको भन्ने गोप्य सूचनाको आधारमा महानगरीय प्रहरी प्रभाग कोटेश्वरबाट खटिएको टोलीले शनिबार साँझ नाथको कोठा तलासी गर्दा एयर गन बरामद भएको महानगरीय प्रहरीले जानकारी दिए ।

उक्त गनसहित पक्राउ परेको नाथामथि यसबारे अनुसन्धान भइरहेको प्रहरीले जनाएको छ ।