बालिकाको फेसबुकमा नक्कली आइडी बनाएको आरोपमा एक युवक पक्राउ

साउन १७, रौतहट । तनहुँमा अश्लिल भिडियो बनाएर सामाजिक सञ्जालमा पठाउने एकजनालाई प्रहरीले पक्राउ गरेको छ ।

प्रहरीको साइवर ब्यूरोको टोलीले तनहुँ भानु नगरपालिकाकी १३ वर्षीया बालिकाको फेसबुकमा नक्कली आइडी बनाएर आफन्तलाई सन्देश पठाउने आरोपमा एकजनालाई पक्रउ गरिएको छ । बालिकाको नक्कली आइडी बनाएर आफन्तलाई सन्देश पठाउने तनहुँका सविनराज मिश्रलाइृ शुक्रबार प्रहरीले पक्राउ गरेको हो ।

ब्यूरोका प्रवक्ता, प्रहरी वरिष्ठ उपरीक्षक नविन्द अर्यालले १३ वर्षीया एक बालिकाको फोटो प्रयोग गरी नक्कली फेसबुक खोलेर अश्लिल फोटो तथा सन्देश बालिकाको दिदी तथा आफन्तलाई पठाउने कार्यमा संलग्न रहेकाले मिश्रलाई पक्राउ गरिएको जानकारी दिएका हुन् ।

पक्राउ परेका मिश्र यसअघि पनि विद्युतीय कारोवार ऐन, २०६३ को कसुरमा जिल्ला अदालत काठमाडौँबाट एक लाख रुपैयाँ तिरेर धरौटीमा छुटेका व्यक्ति भएको ब्यूरोले जनाएको छ । पक्राउ परेका मिश्रलाई काठमाडौँ जिल्ला अदालतबाट सात दिनको म्याद थप गरी अनुसन्धान भइरहेको प्रवक्ता अर्यालले बताए ।