आज थप २१० जनामा कोरोना पुष्टि; संक्रमितको संख्या १९ हजार २७३ पुग्यो

साउन १४, रौतहट । नेपालमा बुधबार थप २१० जनामा कोरोना भाइरस (कोभिड १९) संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार योसँगै कुल संक्रमितको संख्या १९ हजार २७३ पुगेको छ । मंगलबार ३५३, सोमबार १३९ जनामा कोरोना संक्रमण देखिएको थियो ।

कोरोनका सक्रिय बिरामीको संख्या ५ हजार २०३ पुगेको छ । मन्त्रालयका अनुसार पछिल्लो २४ घन्टामा १४६ जनाले कोरोना जितेर घर फर्किएका छन् । योसहित कोरोना जित्नेको कुल संख्या १४ हजार २१ पुगेको छ ।

हाल क्वारेन्टाइनमा रहनेको संख्या १४ हजर ४७१ पुगेको छ। भने, कोरोना भाईरसका कारण मृत्यु हुनेको संख्या ४९ पुगेको छ ।