कपिलवस्तुमा ट्रकको ठक्करबाट एक जनाको मृत्यु

२९ भदौँ, रौतहट । ट्रकको ठक्करबाट कपिलवस्तुमा एक जनाको मृत्यु भएको छ, भने दुई जना घाइते भएका छन् ।

बाणगंगा ८ चप्परगाउँमा मंगलबार बिहान भएको दुर्घटनामा परी स्थानीय सुदीप थारुको मृत्यु भएको प्रहरीले जनाएको छ । ग १ त ५६०३ नम्बरको ट्रकको ठक्करबाट थारु गम्भीर घाइते भएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक दिलीप कार्कीले जानकारी दिए ।

घाइते थारुलाई उपचारको लागि कपिलवस्तु सामुदायिक अस्पताल जितपुरमा ल्याएपनि उपचारकै क्रममा मृत्यु भएको कार्कीले बताए ।
कार्कीका अनुसार दुर्घटना परी घाईते भएका अन्य दुई जनाको सोही अस्पतालमा उपचार भइरहेको छ ।

घटना पश्चात् फरार भएको ट्रक र चालकको खोजी सुरु भएको प्रहरीले जनाएको छ ।