गौरमा बाँसको झाँगाभित्र एक पुरुषको शव फेला

२ असोज, रौतहट । रौतहटको गौरमा एक जनाले पासो लगाई आत्महत्या गरेका छन् ।

जिल्लाको सदरमुकाम गौर नगरपालिका वडा नम्बर १ मा एक जना पुरुषले आत्महत्या गरेको प्रहरीले जनाएको छ । रामजानकी धर्मशाला भन्दा करिब २५० मिटर पूर्वतिर रहेको बाँसवारीमा स्थानीय ५५ वर्षीय गोदन भन्ने (सोभन पासवान)ले पासो लगाई आत्महत्या गरेका हुन् ।

आज बिहान खेततिर जाने बेलामा बाँसको झाँगा भित्र शव देखेपछि स्थानीयले प्रहरीलाई खबर गरेका थिए । शव भेटिएको खबर पाएलग्त्तै जिल्ला प्रहरी कार्यालयबाट खटिएको टोलीले घटनास्थलमा पुगि हाल शवलाई बाँसको झाँगाबाट निकाल्ने कार्य गरिरहेको रौतहटका प्रहरी प्रवक्ता डीएसपी सुनिल मल्लले जानकारी दिए ।