थप ३०० जनामा कोरोना पुष्टि, १२४ जना संक्रमणमुक्त

२१ भदौँ, रौतहट । नेपालमा पछिल्लो २४ घण्टामा थप ३ सय जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा १ हजार ९८१ जनाको पीसीआर परीक्षण गर्दा १ सय ७७ जनाको कोरोना रिपोर्ट पोजेटिभ आएको छ ।

यस्तै, यो अवधिमा २ हजार ६ सय ९ जनाको एन्टिजेन विधिबाट परीक्षण गर्दा १ सय २३ जनामा एन्टिजेन संक्रमण देखिएको छ । योसंगै हालसम्म देशभर कोरोना संक्रमितको कुलसंख्या ११ लाख ४९ हजार २ सय ९६ पुगेको छ ।

त्यसैगरी, बितेको २४ घण्टामा थप १ सय २४ जना संक्रमणमुक्त भएका छन् ।

हाल नेपालमा सक्रिय संक्रमितको संख्या २ हजार ४ सय ५७ जना रहेको स्वास्थ्य मन्त्रालयले जनाइको छ ।