आज थप २०२ जनामा कोरोना पुुष्टि, ४६२ जना संक्रमणमुक्त

१२ भदौँ, रौतहट । नेपालमा पछिल्लो २४ घण्टामा थप २०२ जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा २ हजार ६४ जनाको पीसीआर परीक्षण गर्दा १ सय ६४ जनाको कोरोना रिपोर्ट पोजेटिभ आएको छ ।

यस्तै, १ हजार ७ सय ६९ जनाको एन्टिजेन विधिबाट परीक्षण गर्दा ३८ जनामा एन्टिजेन संक्रमण देखिएको छ । योसंगै हाल सम्म देशभर कोरोना संक्रमितको कुल संख्या ११ लाख ४७ हजार २ सय ४ पुगेको स्वास्थ्य मन्त्रालयले जनाएको छ ।

यसैबीच, थप ४ सय ६२ जना कोरोना संक्रमणमुक्त भएका छन् । हाल नेपालमा ३ हजार १ सय ५ज्ञ जना संक्रमित उपचाररत रहेका हुन् ।

यसैगरी, पछिल्लो २४ घण्टामा कोरोना भाइरस (कोभिड १९)को संक्रमणका कारण थप एक जनाको मृत्यु भएको छ ।