थप ४८७ जनामा कोरोना संक्रमण, ४२९८ जना उपचाररत

८ भदौँ, रौतहट । नेपालमा पछिल्लो २४ घण्टामा थप ४ सय ८७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा १ हजार ८ सय ६ जनाको पीसीआर परीक्षण गर्दा जम्मा २ सय ४२ जनाको कोरोना रिपोर्ट पोजेटिभ आएको छ ।

यस्तै, यो अवधिमा २ हजार ३ सय ७१ जनाको एन्टिजेन विधिबाट परीक्षण गर्दा २ सय ४५ जनामा एन्टिजने संक्रमण देखिएको छ ।

यस्तै, बितेको २४ घण्टामा थप १ सय ६४ जना कोरोना संक्रमणमुक्त भएका छन् ।

यसैबीच, कोरोना भाइरस (कोभिड १९)को संक्रमणका कारण पछिल्लो २४ घण्टामा थप १ जनाले ज्यान गुमाएका छन् ।

हाल देशभर ४ हजार २ सय ९८ जना कोरोना संक्रमित उपचाररत रहेको स्वास्थ्य तथा जनसंख्या मन्त्रालयले जनाएको छ ।