आज थप ६३४ जनामा कोरोना पुष्टि

७ भदौँ, रौतहट । नेपालमा पछिल्लो २४ घण्टामा थप ६ सय ३४ जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा २ हजार ७ सय ५७ जनाको पीसीआर परीक्षण गर्दा ३ सय ४३ जनाको कोरोना रिपोर्ट पोजेटिभ आएको छ ।

यस्तै, विगत २४ घण्टामा २ हजार १ सय ९२ जनाको एन्टिजेन विधिबाट परीक्षण गर्दा २ सय ९१ जनामा एन्टिजेन संक्रमण देखिएको छ ।

त्यसैगरी, यो अवधिमा थप ४१७ जना कोरोनामुक्त भएका छन् । हाल देशभर ४ हजार २ सय २१ जना संक्रिय संक्रमित रहेका छन् ।

यसैबीच, कोरोना भाइरस (कोभिड १९)को संक्रमणका कारण पछिल्लो २४ घण्टामा थप १ जनाको मृत्यु भएको स्वास्थ्य मन्त्रालयले जनाएको छ ।