आज थप ९१२ जनामा कोरोना पुष्टि, ३७० जना संक्रमणमुक्त

२० साउन, रौतहट । नेपालमा एकैदिन पछिल्लो २४ घण्टामा ९ सय १२ जना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार विगत २४ घण्टामा २ हजार ९ सय ४१ ज्नाको पीसीआर परीक्षण गर्दा ५ सय २९ जनाको कोरोना रिपोर्ट पोजेटिभ आएको छ ।

यस्तै, यो अवधिमा ३ हजार ५ सय ५० जनाको एन्टिजेन विधिबाट परीक्षण गर्दा ३ सय ८३ जनामा एन्टिजेन देखिएको छ । योसंगै हालसम्म देशभर कोरोना संक्रमितको कुल संख्या ११ लाख ३३ हजार ५ सय २५ पुगेको स्वास्थ्य मन्त्रालयले जनाएको छ ।

त्यस्तै, बितेको २४ घण्टामा थप ३ सय ७० जना संक्रमणकुक्त भएका छन् । यसैबीच, कोरोना भाइरस (कोभिड १९)को संक्रमणका कारण पछिल्लो २४ घण्टामा थप एक जनाको मृत्यु भएको छ ।

हाल नेपालमा ५ हजार ७ सय ६० जना कोरोना संक्रमित उपचाररत रहेको स्वास्थ्य तथा जनसंख्या मन्त्रालयले जनाएको छ ।