रुपन्देहीबाट स्रोत नखुलेको रकमसहित एक भारतीय नागरिक पक्राउ

१६ साउन, रुपन्देही । स्रोत नखुलेको रकमसहित रुपन्देहीबाट एक जना भारतीय नागरिक पक्राउ परेका छन् । पक्राउ पर्नेमा उत्तर प्रदेशको महाराजगंग जुगौलीका ४५ वर्षीय आशी साहु रहेको प्रहरीले जनाएको छ । १२ लाख ५० हजार नगदसहित पक्राउ परेका हुन् ।
सवारी चेकजाँच गर्ने क्रममा लु६प ७१२९ नम्बरको मोटरसाइकलमा सवार साहुलाई आइतबार साँझ नियन्त्रणमा लिएको ईलाका प्रहरी कार्यालय बेलहियाले जनाएको छ । साहुको साथबाट १२ लाख ५० हजार नगद बरामद भएको हो । उनीसंग बरामद भएको रुपैयाँको स्रोत नखुलेको कारण निजलाई हिरासतमा लिएको छ । बरामद रकम र मोटरसाइकलसहित पक्राउ परेका उनीलाई आवश्यक कारवाहीका लागि भन्सार कार्यालय बेलहिया पठाइएको प्रहरीले जनाएको छ ।