काठमाडौं मेयर कप: आर्मी ८७ रनमै अल आउट

२५ फागुन, रौतहट । त्रिभुवन आर्मी क्लबले काठमाडौं मेयर कप–२०७७ एकदिवसिय क्रिकेट लिगमा नेपाल पुलिस क्लबलाई ८८ रनको सामान्य लक्ष्य दिएको छ ।

मुलपानी क्रिकेट मैदानमा टस जितेर पहिला ब्याटिङ थालेको आर्मी ३०.१ ओभरमा ८७ रनमा अल आउट भयो । आर्मीका लोकेश बमले २४ बलमा ३ छक्का र २ चौका सहित सर्वाधिक ३२ रनको योगदान दिए । राष्ट्रिय टोलीका खेलाडीले भरिभराउ आर्मीका ८ खेलाडीले दोहोरो अंकमा रन बनाउन सकेनन् ।

पुलिसका स्पिनर सागर ढकालले १० ओभरमा २ मेडन सहित ४० रन खर्चेर ५ विकेट लिए । पवन सरार्फ १० ओभरमा ५ मेडन सहित १४ रन खर्चेर ३ विकेट लिए । ललित नारायण राजवंशीले २ विकेट लिए ।