धरानमा उपचाररत संक्रमित महिलाको मृत्यु

२३ फागुन, रौतहट । धरानमा उपचाररत एक कोरोना संक्रमित महिलाको मृत्यु भएको छ ।

संक्रमणका कारण मृत्यु हुनेमा धनकुटा ७ बस्ने ४० वर्षीया महिला रहेकी प्रतिष्ठानका प्रवक्ता डा. चुरामणी पोखरेलले जनाएका हुन् ।

स्वास्थ्यमा समस्या भएपछि, उपचारका लागी उनलाई यही फागुन १२ गते वीपी कोइराला स्वास्थ्य विज्ञान प्रतिष्ठानमा भर्ना गरिएको थियो । अस्पतालमा भर्ना भएपछि पीसीआर परीक्षण गराउँदा फागुन १३ गते उनमा कोरोना संक्रमण पुष्टि भएको थियो ।

संक्रमणपछि उपचारकै क्रममा आज बिहान ३ बजेतिर ती संक्रमित महिलाको मृत्यु भएको अस्पतालले जनाएको छ ।

उनी मधुमेहबाट समेत पीडित रहेकी चुरामणी पोखरेलले जनाए ।