५ लाख भन्दा बढि रकम सहित १३ जुवाडे पक्राउ

११ फागुन, रौतहट । रौतहटको दुर्गाभगवति गाँउपालिकाबाट ५ लाख भन्दा बढी नगद सहित १३ जना जुवाडेलाई प्रहरीले पक्राउ गरेको छ ।

दुर्गाभगवती गाउँपालिक वडा न. ३ मत्सरी स्थित रहेको बागमती खोलामा बन्दै गरेको पुल भन्दा दक्षिण तर्फ रहेको काँस घारी भित्र कौडा खेलिरहेको अवस्थामा उनीहरुलाई पक्राउ गरिएको जिल्ला प्रहरी कार्यालय रौतहटले जनाएको छ ।

पक्राउ पर्नेमा गरुडा नगरपालिका ५ का गजेन्द्र महतो, गरुडा ४ का राम वचन राउत, गरुडा ५ का मौजेलाल साह, दुर्गाभगवती गाउँपालिका २ का राम किशोर महतो, मोबारक शेख, अशोक साह, सर्लाही रामनगर गाउँपालिका २ का युवराज अधिकारी, महेश यादव र नन्दलाल राय यादव, भाग्यनारायण प्रसाद राय यादव, रामप्रवेश राय यादव, देवनारायण ठाकुर, लक्ष्मी सहनी रहेको जिल्ला प्रहरी कार्यालय रौतहटका प्रवक्ता डिएसपी भरत श्रेष्ठले बताए ।

विशेष सूचनाको आधारमा पक्राउ परेकाहरुको साथबाट नगद ५ लाख १६ हजार, १२ वटा मोबाईल र ३ वटा मोटरसाईकल समेत बरामद भएको डिएसपी श्रेष्ठले बताए ।