कांग्रेसको केन्द्रीय समिति बैठक पनि सुरू

७ पुस, रौतहट । प्रधानमन्त्री केपी शर्मा ओलीले प्रतिनिधिसभा संसद भंग गरेपछिको अवस्थाबारे आवश्यक रणनीति तय गर्न नेपाली कांग्रेसको केन्द्रीय कार्यसमिति बैठक पार्टी केन्द्रीय कार्यालय सानेपामा सुरू भएको छ ।

आज दिउँसो १ बजेका लागि बोलाइएको बैठक केही ढिला गरी सुरू भएको स्रोतले जनाएको हो ।

बैठकमा अगाडि कसरी बढ्ने भन्ने रणनीति तय गर्ने एक नेताले बताएका छन् ।

सोमबार यसबारे कांग्रेसले नेकपा र जनता समाजवादीसँग पनि छलफल गरेको थियो ।