आज थप ४२ जनामा कोरोना पुष्टि, ८६ जना संक्रमणमुक्त
१५ चैत, रौतहट । नेपालमा पछिल्लो २४ घण्टामा थप ४२ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका अनुसार विगत २४ घण्टामा ४ हजार ३ सय २२ जनाको पीसीआर परीक्षण गर्दा जम्मा ३० जनाको कोरोना रिपोर्ट पोजेटिभ आएको छ ।
यस्तै, यो अवधिमा १ हजार १४९ जनाको एन्टीजेन विधिबाट परीक्षण गर्दा १२ जनामा एन्टिजेन संक्रमण देखिएको छ । योसंगै हालसम्म नेपालमा कोरोना संक्रमितको कुल संख्या ११ लाख १८ हजार ५०८ पुगेको छ ।
त्यसैगरी, पछिल्लो २४ घण्टामा थप ८६ जना कोरोना संक्रमणमुक्त भएका छन् । यससहित हालसम्म देशभर ९ लाख ६५ हजार २२८ जना कोरोनामुक्त भएका छन् ।
यसैबीच, कोरोना भाइरस (कोभिड १९)को संक्रमणका कारण पछिल्लो २४ घण्टामा कसैको पनि मृत्यु नभएपनि हहालसम्म ११ हजार ९ सय ५१ ज्नाले कोरोनाका कारण ज्यान गुमाइसकेका छन् ।
हाल देशभर १ हजार १९८ जना सक्रिय संक्रमित रहेको स्वास्थ्य मन्त्रालयले जनाएको छ ।
