युनाइटेडको शानदार जित, रासफोर्डको हृयाट्रिक

१३ कात्तिक, रौतहट । सब्सिच्युट मार्कुस रासफोर्डको हृयाट्रिकसँगै म्यानचेष्टर युनाइटेडले च्याम्पियन्स लिगमा आरबी लिपिङमाथि शानदार जित हात पारेको छ ।

बुधबार राति भएको खेलमा एकघण्टाको खेल सकिएपछि मैदान प्रवेश गरेका रासफोर्डले मात्र १६ मिनेटभित्र तीन गोल गरे । ७४औं मिनेटमा व्यक्तिगत पहिलो गोल गरेका उनले ७८ र इन्जुरी टाइममा गोल गर्दै हृयाट्रिक पूरा गरे ।

ओल्ड ट्राफर्डमा भएको खेलमा युनाइटेडले २१औं मिनेटमा मेसन ग्रिनवुडको गोलबाट अग्रता लिएको थियो । यस्तै ८७औं मिनेटमा एन्थोनी मार्सलले पेनाल्टीमा गोल गरे ।

समूह चरणको पहिलो खेलमा पेरिस सेन्ट जर्मेनलाई हराएको युनाइटेड ६ अंकसहित समूह एचको शीर्ष स्थानमा छ । पीएसजी र लिपिङको ३र३ अंक छ भने इस्तानबुल बासाकेशिर अंकविहीन छ ।