जमैका ले सेमिफाइनलमा ट्रिनबागोसँग खेल्ने

२१ भदौ, रौतहट । जमैका तलाबाजले क्यारेबियन प्रिमियर लिगको सेमिफाइनलमा ट्रिबागो नाइट राइडर्ससँग खेल्ने भएको छ । शनिबारको खेलमा जमैका बारबाडोज ट्रिडेन्ट्ससँग ७ विकेटले पराजित भएपछि यो समीकरण तयार भएको हो ।

जमैका अंकतालिकाको चौथो स्थानमा छ । उसको यो पाँचौं हार हो । पहिले ब्याटिङ गरेको जमैकाले ४ विकेट गुमाएर १ सय ६१ रन गुमाएको थियो । जवाफमा बारबाजोडजले १८।२ ओभर मात्र उपयोग गरेर ३ विकेटमा १ सय ६५ रन बनायो ।

नेपाली स्पिनर सन्दीप लामिछानेले ४ ओभरमा २६ रन दिएर १ विकेट लिए । विपक्षी कप्तान जेसन होल्डर उनको बलमा एलबीडब्लू भए । बारबाडोज सेमिफाइनल समीकरणबाट बाहिरिइसकेको छ ।