बागमती प्रदेशले माग्यो शिक्षा नीतिमा सुझाव

भदौ ९, रौतहट । प्रदेशको शिक्षा नीतिको प्रारम्भिक मस्यौदा सार्वजनिक गर्दै बागमती प्रदेशले सुझाव मागेको छ । सोमबार सामाजिक विकास मन्त्रालयले मस्यौदा सावैजानिक गर्दै १५ दिनभित्र सुझाव पठाउन भनेको छ ।

प्रदेशको शिक्षा नीतिमाथि सबै सरोकारवालाको अपनत्व गराउनका लागि सुझाव माग गरिएको सामाजिक विकासमन्त्री युवराज दुलालले बताए । सुझाव मन्त्रालयमै बुझाउन वा इमेल ठेगानामा पठाउन भनिएको छ ।

मस्यौदा माथिको सुझाव प्राप्त भएपछि प्रदेश सरकारले शिक्षासम्बन्धी विधेयक पनि बनाउने मन्त्री दुलालले बताए । ‘सरकारले कानुन बनाउनुअघि नीति बनाउन सुझाव खोजेको हो’ उनले भने ।