सुजाता कोइरालालाई कोरानाभाइरसको त्रास

साउन १३, रौतहट । नेपाली कांग्रेसकी सांसद सुजाता कोइराला कोरानाभाइरसको त्रासका कारण संसदीय समितिको बैठकमा अनुपस्थित रहेकी छिन । मंगलबार प्रतिनिधि सभा अन्तर्गतको अन्तर्राष्ट्रिय सम्बन्ध समितिको बैठक थियो । बैठकमा राहदानी विभागको गत बर्ष गरेको प्रगति र आगामी आर्थिक वर्षको योजनाबारे छलफल तय गरिएको थियो ।

तर, बैठक बस्न कोरम नपुगेपछि सांसदहरुलाई फोनबाट बोलाइएको थियो । फोनमा सांसद कोइरालाले समितिको बैठक हल सानो भएको र कोरोना भाइरसको जोखिम हुने भएकोले आउन नसक्ने खबर दिइन ।

समितिकी सभापति पवित्रा पोखरेल निरौलाले बैठक बस्नका लागि ठूला हलका लागि कुरा गरेपनि अन्य समितिको बैठक भएकोले समितिकै सानो हलमा बैठक बोलाएको बताइन । उनले सांसद कोइराला बाहेक अन्य सांसदहरु काठमाडौ बाहिर रहेकोले बैठकमा आइनपुग्दा फोरम नपुगेर स्थगित भएको जानकारी दिइन ।

कोरम पु¥याएर बैठक बस्न झन्डै १ घण्टा प्रतिक्षा गरेपनि सांसदहरु नआएपछि बैठक स्थगित हुन पुग्यो ।