सोनुले गर्ने नेपाली फ्यान मधुको सहयोग

२० फागुन, रौतहट । बलिउड कलाकार अभिनेता सोनु सुदले आफ्नो एक नेपाली फ्यानलाई सहयोग गर्ने भएका छन् ।

उनको सहयोगी मन बुझेका एक नेपालीले सोनुसँग सहयोगको अपिल गरे । गत फ्रेवुअरी १३ मा मधु पौडेल नामका नेपालीले ट्विटरमार्फत सोनुसैग सहयोग मागेकी थिइन् । मधुले विगत १० वर्षदेखि डाढ दुख्ने समस्याबाट पिडित भएको पनि आर्थिक अभावका कारण उपचार गर्न नपाएको बताएकी थिइन् ।

पीडितले आफ्नो समस्याका कारण काम गर्न नसकेको बताएका थिए । लठ्ठी टेकेर हिडिरहेको भिडियो पोष्ट गर्दै उनले सोनुसँग आर्थिक सहयोगका लागि आग्रह गरेका थिए ।

सोनुले ट्विटर मार्फत नै मधुलाई सहयोग गर्ने वचन दिएका छन् । उनले लेखेका छन्, ‘अतिथी देवो भवः । भारतबाट तिमी विना लठ्ठी नेपाल पुग्नेछौ ।’ सोनुले मधुको उपचारमा पूर्ण सहयोग गर्ने बताएका छन् ।