महिला लिग: आर्मी क्लबले चन्द्रपुरलाई हराए
द नेपाल मिडिया
२ फाल्गुन २०७७, आईतवार १८:२१
२ फागुन, राैतहट। राष्ट्रिय महिला फुटबल लिगमा रश्मी घिसिङको ह्याट्रिकमा त्रिभुवन आर्मी क्लबले रौतहटको चन्द्रपुर नगरपालिकामाथि जित हात पारेको छ ।
सातदोबाटोस्थित एन्फा कम्प्लेक्समा आइतबार भएको खेलमा आर्मीले चन्द्रपुर नगरपालिकालाई ६-१ ले पराजित गरेको हो ।
चन्द्रपुरका लागि रजनी थोकरले पहिलो हाफको इन्जुरी टाइममा एक गोल गरेकी थिइन् ।
यस अघिकाे खेलमा पनि आर्मीले चन्द्रपुरलाई १०-० ले पराजित गरेको थियो ।
लिगमा आठौं जित हात पारेको आर्मीले १० खेलबाट २५ अंक जोडेको छ । शीर्ष स्थानको एपीएफसंग अंकदूरी २ मा झार्दै आर्मीले उपाधिको सम्भावना कायमै राखेको छ ।
चन्द्रपुरले १० खेल खेल्दा जम्मा २ खेल जितेर ६ अंकसहित छैटौं स्थानमा छ ।