चुरियामाईमा गाडी पल्टिँदा सडक अवरुद्ध

१३ मंसिर, मकवानपुर । मकवानपुरको हेटौंडा उपमहानगरपालिका-१५ नम्बर वडाको चुरियामाईमा लहरी गाडी पल्टिएको छ ।

बिहीबार पूर्व पश्चिम राजमार्गमा वीरगन्जबाट काठमाडौंतर्फ आउँदै गरेको प्र२-०३-००१ख ६७३८ नम्बरको मोबिल बोकेको कन्टेनर लोड लहरी अनियन्त्रित भई सडकमा पल्टेको हो।

गाडी चालक मकवानपुरको मनहरी-६ का ३० वर्षीय महेश मोक्तान घाइते भएको जिल्ला प्रहरी कार्यालय मकवानपुरले जानकारी दिएको छ । घाइते मोक्तानलाई उपचारको लागि हेटौंडा अस्पताल पठाइएको र अवस्था मध्यम रहेको प्रहरीले जनाएको छ।यस्तै प्रहरीका अनुसार अवरुद्ध रहेको सडक प्रहरी परिचालन गरी क्रेनको सहयताले खुलाउने प्रयास भइरहेको छ।